滑雪嘅最後一日～ 朝早六點幾咁啱自然醒咗～ 見到外面好似日出咁喎～
晨曦嘅陽光～ 令人充滿期待的一天～
去到食早餐嘅地方～ 今日不再包場嘞～ 兼且全酒店滿室，所以早餐個安排變成自助餐式～
好嘢～ 仲於可以自己想食乜就食乜喇～
食完早餐返到房，個太陽已經出哂嚟喇～ 同日出果陣感覺截然不同～
今日最後一日我哋去滑最遠果個場～ 坐穿梭巴士都要３０分鐘～ 沿途都會經過我哋之前兩日所滑過嘅雪場～ 不過今日天氣好好，睇得清楚好多呀～
今日滑呢個叫做妙高杉之原滑雪場（妙高杉ノ原スキー場）係屬於太子酒店集團嘅滑雪場～ 即係同舊年嘅苗場屬同一集團～
唔知係點解喺snow navi果度無佢嘅優惠券～ 尋晚喺lobby上上下網至發現喺Prince Hotel自己個網頁又有喎～
但係Coupon一定要印先用得！咁點算呢？
好彩我哋問酒店職員，佢可以幫我哋印出嚟呀～ 太好人喇～
去到滑雪場已經好多人排隊買lift tickets~
所以有時間俾小朋友玩下滑大水泡～
太陽伯伯你好嗎！ 今日天氣真係正到無朋友！
隨便亂咁影都好似wallpaper咁靚呀～
先上到標高１４８９米地點～ 風景真係好靚～ 頭兩日無乜機會影相～ 宜家大家快啲埋位影返多啲先～
我哋都快啲影多幾張合照先喇～ （唔該團友幫忙）
之前睇呢個雪場嘅介紹都有講過好天的話可以見到富士山～
我哋望多幾望～ 真係搵到喇～ 雖然好遠，好遠～ 但係一睇山頂個形就知係富士山喇～
呢一款lift有個蓋冚住～ 唔使怕大風～
個lift上到去全個杉之原雪場嘅最高點１８５５米～ 我哋終於攻到頂喇～ Yeah!
Yuki話俾大家知我落山喇～
呢個杉之原啲雪道好鬼長～ 滑一次都要好耐～
上落兩次左右就要食晏喇～
食乜? 梗係食咖喱吉列豬扒飯囉～
食飽出嚟影下靚景～ 真係唔捨得咁快就最後一日呀！
再上返山嘅人幾多！
今次落山時俾我哋見到呢個滑雪場嘅一棵名樹～ 當然要埋去影下喇～
棵樹有個名㗎～
喺咁靚嘅景色之下～ Daddy把握機會捕捉下Yuki同Mommy嘅滑雪英姿～
真係好唔捨得咁就滑到今年滑雪之旅咁最後一日喇～
多謝老天爺眷顧，喺最後一日俾我哋有呢個咁正嘅回憶～
好嘞～ 唔好玩到唔記得時間～ 準時上返穿梭巴士返去喇～
返到酒店～ 喺對面有間舖頭有啲本地人排哂隊喎～
我哋一於走過去八掛下先～
睇落似賣衫同賣啲飾物嘅小店～
但係門口有好多剪報～ 有電視台嚟介紹過添播～
原來呢間舖頭仲有賣creep㗎～ 仲要佢出名在佢有自製嘅Gelato意大利雪糕～
落完單就喺門口等～ 呢間嘅creep又另一種風味～ 啲皮有少少燶果種香味～ 好食！
今晚嘅晚餐我哋唔係酒店食喇～ 因為大家都想出去食下其他嘢，慶祝我哋又完成一年嘅滑雪行程～
溫泉街真係好方便～ 所有嘢都係幾步就到～
今晚我哋食燒肉嘅舖頭《食道園》又係喺酒店隔離～ 就係溫泉饅頭同第一間賣creep中間入去～
好特別嘅燒肉爐～ 好似我哋打邊爐咁將兩個小型gas爐放喺枱面燒～ 無任何抽氣設備喺枱～ 所以要預咗燒完成身燒肉味呀！
雖然舖頭細細，但係啲燒肉質素好高喎～
我哋encore完又encore～ Yuki就最鍾意燒肉㗎喇～
唔該哂隔離枱嘅日本姐姐主動過嚟幫我哋影合照呀～ ありがとう～
食飽飯梗係要同大家再去食下甜品喇～
無錯！我哋梗係介紹啱啱試咗呢間新嘢喇～ 今次Yuki同Mommy一人一個～ So HAPPY!
最後呢晚返到酒店lobby依然係大有大傾，細有細玩～
但係Yuki同James喺部notebook睇咩呢？ 原來James有網上功課要做～ Yuki姐姐幫緊手喎～
今年三個小朋友表現好好～ 無爭吵～ 會互相幫忙～ 大家都成熟咗～
返屋收拾行裝準備聽朝離開酒店返東京喇～
Yuki呢四張lift tickets見證咗Yuki嘅滑雪技術又進步咗喇～
期待下年雪季又再同James & Ethan一齊玩～
沒有留言:
發佈留言