７月２２日夜晚九點幾，我地終於到左札幌Washington Hotel, 呢間酒店係 daddy mommy既機票package包左既，比較特別既係佢既front desk係7/F, 樓下係讀賣新聞既寫字樓。另一個特別之處係呢間酒店房入面有電腦，仲要係用個電視黎做monitor，夠晒high tech。
我地會係札幌住兩晚，其實只有一日時間去玩，咁去邊好呢？羊之丘？白之戀人？啤酒博物館？開拓村？思前想後，決定去丘陵公園，不過好可惜，一早起身已經落緊雨，雨勢仲幾大添。我地唯有打消去公園既念頭，改為去Giraffe啦，Giraffe即係邊度？咪反斗城囉！因為Yuki不停咁講，去Giraffe呀！去Giraffe呀！去Giraffe呀！
黎到Sapporo Factory既反斗城，Yuki好鬼興奮，自己四圍跑，不停試水鞋，摸玩具。雖然去唔到公園，但對佢黎講，呢度都唔錯！之後食下野，行下街，好快又一日啦！
７月２４日，今日開始我地會租車遊北海道，今次已經係我地第三次租車，所以都無乜大問題。
第一個目的地就係山本觀光果樹園，本來好想去摘士多啤梨，可惜已經無晒士多啤梨，呢個時間，只有車厘子。
即摘即食，零舍好味。
摘完之後，就去左小樽既政壽司食晏。D蝦蝦好好味，我仲同Daddy掙食添呀。
之前係大阪，因為太多人無入到去海遊館，所以食完野，我地就去左小樽水族館。
地方雖然唔大，但海豚表演同觀眾好近，可以近距離望下海豚海獅都幾特別。
離開水族館，我地就出發去溫泉酒店宏樂園。呢間酒店出名之處係房間入面有私人風呂，Daddy Mommy話之前兩度到訪北海道都錯過左，今次本來都無book到，多得芭比媽媽既遊記，提醒左Mommy就算夏天都可以浸一浸。
呢個就係我地既私人露天風呂，可惜Yuki怕熱，最後都係得Daddy Mommy自己享受溫泉之樂。
粗心大意既Mommy，到食飯時間，見到成張枱都係生既食物才突然驚覺無野岩Yuki食，唯有立刻問下有冇拉麵或者烏冬，後來嬸嬸替我地找來一份兒童餐，除了相中食物外，還有一碗烏冬，正合Yuki口味。好彩好彩～
第一次住日式房間既Yuki，一看到嬸嬸們為我地放好的床舖，立刻興奮無比， 不停地碌碌碌。
睡前，我地出外走走，估不到木製人字拖也難不得百厭小Yuki。
訓醒一覺，食埋個早餐，我地就出發去賞花啦！
cherry姨姨,
回覆刪除係呀, 不過太熱, 唔岩我呢! 等我大個D, 一家叫daddy mommy, 再帶我黎過!