2008 仲夏關西關東北國走透透之旅 - 關西篇～

今次我地係大阪住三晚，揀左位於道頓崛附近既 Cross Hotel Osaka ，道頓崛一帶好熱鬧，我地九點幾先到酒店，check in 後再出街都搵到野食。除左地點，呢間酒店好新淨，仲有個大廁所同 King size bed，岩晒我地一家三口。

首先，等我介紹一下大阪名物先：

固力菓超人 - 自從第一晚，同呢個超人影左張相之後，每次我行過呢度，都要 mommy 抱抱我睇睇超人~

たこ焼（章魚燒）- 大大粒，好多章魚，おいしい～

蟹道樂 - 食蟹好出名既餐廳，我地都有係度食左餐晚餐，味道當然又係おいしい啦！

仲有咩呢？唔記得左啦，介紹住咁多先啦！:p

 

好啦，有三日時間，可以去邊呢？

海遊館

７月２０日，我地起得身黎，食埋早餐，再搭車，去到天保山已經差不多中午，由車站行去海遊館，路程只係五分鐘左右，沿途都有好多人向同一方向進發，原來呢個週末係日本假期，屬於日本既黃金週，唔怪得咁多人啦！

 

@_@ 嘩，不得了，人真係咁多！我地決定係隔離個商場食個晏，再逛一逛就走啦，因為要等起碼五十分鐘先入到場，太陽伯伯又出左黎，曬住我，好鬼熱，排隊既地方又無遮擋，都係等冬天再黎過！

好彩隔離個商場，仲要係有得食又有得玩！

 

 

Mosaic Garden

豆媽介紹既 Mosaic Garden，確係唔錯，我地由日頭玩到夜晚，樂而忘返！

其餘時間，我地都只係四圍逛下，黎得日本，當然不少得 shopping，主力去左西松屋，Akachan，Tokyo Hands，Bic Camera 等等。其實豆媽仲有介紹六甲山牧場，但係實在太熱，都係唔好攪我，我都係留係 shopping mall 嘆下冷氣，下次有機會先再去。

７月２２日，我地係神戶機場搭飛機去札幌，點解揀神戶？Mommy 話除左未去過神戶機場，航班時間比起關西空港大約早一小時，咁去到札幌就唔使太夜。神戶空港果然好新淨，最意想不到的是，通往神戶空港的 Portliner 只需 320円。好快就完成關西既旅程，北國見啦！