2008 仲夏關西關東北國走透透之旅 - 賞花篇

七月去北海道既富良野同美瑛，當然要四圍去睇下Ｄ一片片好似名信片咁靚既花田喇～

去富良野同美瑛，如果大家唔係跟團的話，真係建議大家租架車黎渣。 因為Ｄ農場分佈得幾散，而富良野美瑛既公共交通工具又比較少，有架車真係方便好多架～

好！先介紹下第一個花田～

第一站: ぜるぶの丘 - 美瑛

大家知唔知我點解兩幅相都踎係度呢？ 因為地下有Ｄ磚係有Mickey Minnie架。 我想同埋佢地影丫嘛。

 

第二站: 新 栄 の 丘 展 望 公 園 - 美瑛

呢D稻草人公仔就係新榮之丘既標誌啦!

 

咦?! 呢度又有薰衣草喎！真係去到邊都聞到好香既薰衣草花香呀！

 

 

 

第三站: 四 季 彩 の 丘 - 美瑛

 

 

我地係呢個農場仲租左架CART十五鐘黎渣，因為呢個農場既高低起伏都幾大，全部用腳黎行都幾辛苦架！

 

 

Daddy！薰衣草好似無咁高架，點解淨係見到你個頭既？

 

第四站： 日 の 出 公 園 - 上富良野

去過北海道既朋友，對呢個白色鐘有無印象呢？

無錯喇～ 呢度就係日の出公園啦～

呢個公園由入口行上山頂個鐘度其實都幾遠下！ 仲要我上去果陣訓著左係車仔度，所以Daddy Mommy唔可以行樓梯，要由斜路慢慢推上去～ 辛苦哂喇， Daddy Mommy！

好彩差唔多到山頂我就醒啦，所以可以睇到咁靚既風景，同影相相添！ 你地睇我係咪笑得好開心？ 梗係啦，訓飽左嘛～

 

第五站：富 田 農 場 - 富良野

富良野最有名既農場～ 超多人，超多車～ 幾個停車場都泊滿哂。

可能之前已經睇過幾個農場，所以黎到富田農場唔係特別有驚喜！

今日最特別既，可以話係我既衣著喇！因為我著左件Mommy早幾日係日本買既浴衣（ゆかた），令到我更加似日本妹妹溶入北海道咁靚既環境裏面～

同場加映－為食Daddy加為食Yuki分享薰衣草ice cream～

第六站：かんのファーム - 上富良野

最後呢個農場其實係渣車時經過見到，好隨性地又將車駛入去，落車睇一陣，影幾幅相，係北海道旅行既日子真係好ＲＥＬＡＸ～

總結整個<<賞花篇>>，夏天既富良野同美瑛真係同秋冬天既時候感覺好唔同！ 親眼見到一望無際既花田，顏色鮮艷又整齊，好似一條條既彩虹舖係地下度～ 真係好好好靚呀！