７月２６日係我 Daddy 既生日，我地係美瑛優美既環境下幫 Daddy 慶祝生日！
Mommy一早已經請民宿老闆娘幫手，預備左一個生日蛋糕送俾 Daddy。當個蛋糕出現既時候，我見到 Daddy 都有D驚喜架～
呢個唔係一般既蛋糕，係老闆娘親手做既，所以有獨特既外表，仲有就係呢個蛋糕好好味。
食過蛋糕，我地仲同其他住客一齊放下煙花。
呢間民宿，叫做 Pension Pokrok，大約五年前，Daddy Mommy 初訪北海道時住過，覺得感覺非常好，今次再訪美瑛，呢度當然係首選啦！
我地今次住左兩晚，由於係旺季，好多住客，第二晚，仲有一個差不多１０人既大家庭，氣氛好熱鬧。
同我玩緊呢個就係老闆娘既細仔，今年四歲，Daddy Mommy上次黎果陣，佢同我一樣未出世架！
臨走前黎張大合照，左面既一家四口係另一批住客，佢地已經係第三次到訪，抱住狗狗既就係呢間民宿既大女，呢個姐姐仲幫我批蘋果皮，佢好叻叻呀！係佢後面既就係整左果個好美味既蛋糕既姨姨！下次再訪美瑛，我都好想返黎呢度住呀！
差Ｄ唔記得，雖然我正日已經唱左生日歌比 Daddy 聽，都要係度講一聲：
Daddy，生日快樂！
我地都買左煙花架!不過無時間放擺左係酒店......
回覆刪除