嘩！終於第三日喇～
今日要出發去滑雪場喇～
好多謝Daddy嘅同事auntie Niki & auntie Jay～ 除咗幫我哋book來回滑雪場嘅穿梭巴士車票，仲一大早載我哋由酒店到穿梭巴士車站～
감사합니다, auntie Niki & Jay!
啲車票仲好先進～ 直接send條link去你email，然後download三張圖落去電話度就得㗎喇～ 上車時個職員揸住部機嘟幾嘟就搞掂～
個滑雪場位於江原道，由首爾出發，車程約三個鐘頭多少少～ 大約兩個鐘頭左右會停低喺一個service area俾大家上上廁所，買下嘢飲嘢食之類～
上返車繼續向滑雪場進發～
好快就到咗滑雪場喇～
我哋心急到一落車就連埋喼行李拖去睇滑雪場呀！
嘩！ 呢度就係 High 1 滑雪場喇～
Yuki見到滑雪場好興奮呀！
嘩！呢個幪面超人嚟㗎？
咦？Yuki做乜同個陌生人哥哥企埋一齊望乜嘢呢？
哦～ 原來唔係同個哥哥一齊睇嘢～ 袛係出面有啲小朋友遊樂設施啫～
係Yuki喺樂天世界愛上咗嘅迷你海盜船呀！
係時候去搭酒店穿梭巴士去check-in先喇～
High 1 有兩個Ski houses～ 一個Mountain、一個Valley～
首爾過嚟嘅穿梭巴士會直接上到Mountain果邊先落得車～
然後High 1渡假村內有穿梭巴士來往酒店同兩個ski houses，不過班次比較疏，非繁忙時間一個鐘先一班車～
我哋為咗減少負擔，專登由三件行李縮到變成一件行李過嚟滑雪～ 不過呢一件行李變得好重呀！
Check-in完，今次搭車嚟另外呢邊Valley Ski House～
呢邊有間便利店，又有間Domino’s Pizza～
終於有得食喇～ 天寒地凍，有新鮮出爐嘅pizza，睇見已經流哂口水喇～
Yuki！ 留返啲俾Daddy呀～
食飽又週圍睇下嘢先～ 呢度大家好隨意咁將自己嘅滑雪器材隨便放喺舖頭門口～
Yuki小model食飽又開始展示佢嘅百變甫士喇～
雖然天氣咁凍，但睇嚟Yuki啲手腳同面部表情無僵硬度喎～
淨係睇下面呢幅相，以為Yuki好文靜咁喎～
點知鏡頭一轉，Yuki變返個蠱惑樣出嚟喇～ 哈哈！
嗱嗱嗱～ 連埋同Mommy一齊影都企唔停定㗎～
呢邊就係Valley ski house～ 呢邊比較適合初學者，睇下滑落嚟果條斜坡相對較平坦～
好嘞～ Yuki揸咗啲嘢喺手咁喎～ 咁開心？到底係咩呢？
拋！係雪呀～
哈哈哈！ 唔怪得之咁開心喇～ 原來有得玩雪呀～
不過今日無戴滑雪手套，唔可以玩咁耐雪，對手套好快會濕，跟住就會好凍㗎喇～
今日預左唔會滑雪，聽日先正式滑雪～
所以今日再玩下其他嘢先喇～ Ski house入面有間舖頭租用雪兜～ KRW10000任玩到夜晚十點關門～
唔該哂，Mommy! Yuki好舒服咁坐喺度俾Mommy拉住～
哎呀～ Yuki重心右傾呀～ 反兜喇！
無事～無事～ 速度唔快，好快起返身～ 再嚟過～
睇下Yuki笑得幾咁開心！
要俾Mommy休息一下喇～ Yuki! 咁一陣邊個拉邊個呀?
開估喇～ 就係由孝順女拉住媽媽玩雪兜呀！
睇下呢個Mommy坐得幾咁enjoy！
呢日早啲休息，準備明早開始學滑雪喇～
沒有留言:
發佈留言