單車！Yuki回來了～

呢篇blog係Yuki自動話要寫嘅～

Yuki話要寫：「單車！Yuki返嚟喇！」

真係呀！ 因為Yuki真係好耐無踩過單車喇～ 對上一次踩應該係七個月之前喇！

今日見下奏無乜特別節目，Yuki自動咁話想去踩單車喎～

咁又去我哋最近嘅太古城公園喇～ 今日仲係第一次戴Hector送嘅單車手套呀～ 戴咗即刻變比賽選手呀！

 

不過始終有超過半年無踩，開頭踩返真係有啲唔記得咗點起步喎～

踩兩歩停一停～ 一起步又跌向兩邊～

仲開始發忟憎添～

然後Daddy同Yuki講以前Yuki踩到嘅時候唔會咁㗎～ 話如果踩得咁唔開心就收埋單車唔踩喇～

點知，一唔發忟憎就開始踩得返好喇喎～

仲愈踩愈順添～

踩到直頭唔捨得停添～

希望今次踩完唔使隔咁耐先再踩喇～ 如果唔係下次又唔記喇～

 

同日加映：爺爺生日

今日係爺爺生日～ 我哋出銅鑼灣食飯～

今晚梳咗個小丸子頭出嚟食飯～

坐坐下地鐵做乜喺度拉筋呀！

 

今日訂左個美心近排新出嘅蛋糕～ 叫「快樂彩虹」！

個蛋糕個外表好簡單，好平滑！

因為佢留返創作空間俾大家用隨蛋糕附送嘅綿花糖舖嚮蛋糕面～

 

兩下手勢，Yuki佈置好個蛋糕喇！

 

係砌左個哈哈笑圖案 加「爺爺生日快樂！」

 

爺爺！ 祝你生日快樂！ 身體健康！ Happy birthday!

點解叫彩虹蛋糕，就要睇裏面喇～ 五層彩色蛋糕搭配唔同嘅水果！ 張智霖賣廣告㗎！